१३ फागुन ,मोरङ। नेपाल कम्युनिष्ट पार्टी (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहालले माओवादी केन्द्र जनताको बलले स्थापित भएको बताएका छन्। पछिल्लो समय आफ्नो पार्टीको पक्षमा जनमत बढ्दै गएको उनको दाबी थियो।
जनतासँग माओवादी तराई मधेस जागरण अभियान’अन्तर्गत मोरङको कानेपोखरी गाउँपालिकाको रमाइलो बजारमा आयोजित खबरदारी सभा तथा दोस्रो गाउँ सम्मेलनको उद्घाटन गर्दै अध्यक्ष दाहालले पछिल्लो समय माओवादी केन्द्रको ‘एजेन्डा’प्रति जनताको आकर्षण बढेको बताएका हुन्। स्थानीय तहको उपनिर्वाचनसम्म आउँदा यो कुराको व्यावहारिक रूपमै पुष्टि भएको उनको भनाइ थियो ।
जनताको एकताबद्ध प्रयासबाट आफूहरू अगाडि बढ्ने अध्यक्ष दाहालले बताए । आगामी चुनावमा गठबन्धन राजनीतिको भूल नदोहो¥याउने उनको भनाइ थियो ।
