२० चैत, काठमाडौं । पश्चिम एसियामा इजरायल–अमेरिका र इरानबीचको युद्धका कारण खाडी क्षेत्रका विभिन्न मुलुकबाट ३८ जना नेपालीको शव नेपाल ल्याउन कठिनाइ देखिएको परराष्ट्र मन्त्रालय ले जनाएको छ।
मन्त्रालयका प्रवक्ता लोक बहादुर पौडेल क्षेत्री का अनुसार, हवाई मार्ग सञ्चालनमा आउन नसक्दा मृतकहरूको शव ल्याउन ढिलाइ भइरहेको छ। शव ल्याउन आवश्यक पहल भइरहेकाले चाँडै नै नेपालमा फर्काइने विश्वास व्यक्त गरिएको छ।
रोकिएका शवमध्ये साउदी अरेबियामा १७, यूएईमा १५, कतारमा २, बहराइनमा १ र इजरायल/साइप्रसमा ३ जना रहेका छन्। उनीहरूको सुरक्षित फिर्तीका लागि परराष्ट्र मन्त्रालय सक्रिय छ।
यसअघि ०१ अप्रिल २०२६ मा कुवेतबाट ९ जना नेपालीको शव कुवेत एयरवेजमार्फत भैरहवाको गौतम बुद्ध अन्तर्राष्ट्रिय विमानस्थलमा ल्याइएको थियो, जहाँ २९१ जना यात्रुसँगै शव अवतरण गरिएको थियो। यस घटनाले विदेशमा रहेका नेपालीको सुरक्षामा युद्ध र अशान्तिको असर कति गहिरो छ भन्ने देखाएको छ।
