२० जेठ ,काठमाडौँ । काठमाडौँ महानगरपालिकाका प्रमुख प्रशासकीय अधिकृत सरोज गुरागाईँले नगर प्रहरी प्रमुख राजु पाण्डेलाई निलम्बन गरेका छन्। उनले पाण्डेलाई ६ महिनाका लागि निलम्बन गरेको बताइएको छ।
प्रमुख प्रशासकीय अधिकृत गुरागाईँले आफूलाई कार्यालय प्रवेश गर्न अवरोध पुर्याएको विषयमा पाण्डेलाई स्पष्टीकरण सोधेका थिए । तर उनको स्पष्टीकरण चित्तबुझ्दो नभएको भन्दै कारबाही गरेका हुन्।
पाण्डेले गुरागाईँलाई महानगर प्रहरीको बलमा कार्यालय प्रवेशमा रोक लगाएका थिए। सोही विषयमा पाण्डे कारबाहीमा परेका हुन्। मेयर बालेन निकट मानिने पाण्डे अन्तत: निलम्बनकाे कारबाहीमा परेका छन् ।
