३० पुस, काठमाडौं । नेपाली कांग्रेसका महामन्त्री गगन थापा र विश्वप्रकाश शर्मा कानुनी परामर्शमा जुटेका छन्। बुधबार बिहान सभापति शेरबहादुर देउवासँग प्रत्यक्षतर्फको उम्मेदवारको विषयमा सहमति खोज्ने प्रयास भए पनि छलफल निष्कर्षविहीन रूपमा समाप्त भएको छ।
छलफलमा सभापति देउवाले भने, उम्मेदवारको टिकटमा अर्को नेताको हस्ताक्षर कानुन अनुसार मान्य भएमा आफू तयार रहेको बताएका थिए। यस सन्दर्भमा महामन्त्रीहरूले निर्वाचन आयोग र कानुनविद्हरूसँग परामर्श गरेर निर्णय लिन सुझाव पाएका थिए।
देउवासँगको छलफलपछि थापा र शर्मा आफू निकट नेता तथा कानुनविद्हरूसँग परामर्श गर्न बाहिरिएका छन्। केन्द्रीय सदस्य प्रकाश स्नेहीका अनुसार, महामन्त्रीहरू अहिले कानुनी सल्लाह लिएर अघि बढ्ने तयारीमा छन्।
