ओलीको टिप्पणीप्रति भट्टराईको आपत्ति, टिकट नपाएकोमा विचलित नभएको दाबी

९ माघ, काठमाडौं । नेकपा एमालेका उपमहासचिव योगेश भट्टराईले अध्यक्ष केपी शर्मा ओलीका केही सञ्चारमाध्यममा व्यक्त अभिव्यक्तिप्रति आपत्ति जनाएका छन्। अध्यक्ष ओलीले यसअघि भट्टराईलाई चुनाव जित्ने आधार नदेखिएको भन्दै यसपटक टिकट नदिएको टिप्पणी गरेका थिए।

यसको जवाफ दिँदै उपमहासचिव भट्टराईले भनेका छन् कि ‘अध्यक्षको कुराबाट म चिन्तित र दुःखी छु, तर कसैले पनि लिखित ग्यारेन्टीसहित टिकट पाएको भन्ने मलाई विश्वास छैन।’ उनले आफू पार्टीका उम्मेदवारलाई विजयी गराउन खटिएको र विचलित नभएको पनि स्पष्ट पारे।

त्यस्तै, ओलीले अर्का नेता गोकुल बास्कोटाको टिकट नपाउनुको कारण कार्यकर्ता पंक्तिमा विभाजन बढाएको रहेको उल्लेख गरेका थिए। भट्टराईले फागुन २१ अघि पार्टी आन्तरिक विषयमा सार्वजनिक बहस नगर्ने र आफ्नो मिसन नेकपा एमाले र सूर्य चिह्न भएको पनि प्रष्ट पारे।