जर्मन चान्सलर फ्रेडरिक मर्जले अमेरिकी प्रतिनिधिहरूसँग उनीहरूको योजनाबद्ध वार्ताको पूर्वसन्ध्यामा बिहीबार इरानको नेतृत्वलाई ‘साँच्चिकै वार्तामा प्रवेश गर्न’ आग्रह गरेका छन्।
कतारको राजधानी दोहामा पत्रकारहरूसँग कुरा गर्दै मर्जले इरानले ‘आफ्नो परमाणु कार्यक्रम रोक्नुपर्दा’ र इजरायल र यस क्षेत्रका अन्य देशहरूलाई ‘थप सैन्य खतरा’ हुनबाट जोगिनुपर्ने बताए ।
जर्मनीले अमेरिकासँग ‘नजिकबाट समन्वय’ गरिरहेको भन्दै मर्जले भने, “आगामी घण्टामा वार्तालाई तीव्रता दिइनेछ ।”
मर्ज हाल यस क्षेत्रको तीन दिने भ्रमणमा हुनुहुन्छ, जहाँ उनले साउदी राजकुमार मोहम्मद बिन सलमान र कतारी अमीर शेख तमिम बिन हमाद अल थानीसँग भेट गरेका छन् । उनी यो भेटपछि संयुक्त अरब इमिरेट्स जाँदै छन् ।
अराघचीले सामाजिक सञ्जाल एक्समा जारी एक पोस्टमा जर्मनीलाई ‘प्रतिगमनको सहयोगी’ भनेका छन्।
जवाफमा जर्मन चान्सलर मर्जले भने, “मैले यो ट्वीट हेरेको छु र केवल भन्न सक्छु कि यो ठूलो अस्तव्यस्तता र असुरक्षाको सङ्केत हो।“
