१५ चैत, काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेविरुद्धको मुद्दा संशोधन गर्ने निर्णयविरुद्ध दायर रिटको सुनुवाइ सर्वोच्च अदालतको पूर्ण इजलासमा हुने भएको छ।
सर्वोच्च अदालतका न्यायाधीश विनोद शर्मा र अब्दुल अजीज मुसलमानको संयुक्त इजलासले प्रारम्भिक बहसपछि यस मुद्दा पूर्ण इजलासमा लैजान आदेश दिएको सर्वोच्च प्रशासनले जनाएको छ।
पूर्वमहान्यायाधिवक्ता सविता भण्डारी बरालले लामिछानेविरुद्ध तत्कालीन प्रधानमन्त्री केपी शर्मा ओली नेतृत्वको सरकारले लगाएका सम्पत्ति शुद्धीकरण र संगठित अपराधसम्बन्धी मुद्दा फिर्ता गर्ने निर्णय गरेकी थिइन्।
यस निर्णयविरुद्ध वरिष्ठ अधिवक्ता युवराज पौडेल, दिनेश त्रिपाठी र अधिवक्ता आभास रेग्मीले छुट्टाछुट्टै रिट दायर गरेका थिए। अब सर्वोच्च अदालतको पूर्ण इजलासले उक्त रिटमाथि अन्तिम निर्णय दिने तयारीमा छ।
