२० असार, काठमाडौं । सरकारले प्रशासनिक संरचनामा व्यापक हेरफेर गर्दै एकैपटक ४२ जना उपसचिवको सरुवा गरेको छ। गृह मन्त्रालयका अनुसार शुक्रबार भएको निर्णयअनुसार विभिन्न निकायमा कार्यरत उपसचिवहरूको जिम्मेवारी फेरबदल गरिएको हो।
उपसचिवसँगै केही जिल्लाका प्रमुख जिल्ला अधिकारी (सीडीओ)हरूको पनि सरुवा गरिएको मन्त्रालयले जनाएको छ। नयाँ सरुवासँगै सम्बन्धित अधिकारीहरूले विभिन्न जिल्ला तथा कार्यालयमा नयाँ जिम्मेवारी सम्हाल्नेछन्।
गृह मन्त्रालयले प्रशासनिक व्यवस्थापनलाई थप प्रभावकारी र सेवा प्रवाहलाई चुस्त बनाउने उद्देश्यले सरुवा गरिएको जनाएको छ। सरुवासम्बन्धी विस्तृत विवरण तथा कुन अधिकारी कहाँ पुगे भन्ने सूची पनि सार्वजनिक गरिएको छ।
