२८ असार, काठमाडौं । नेपाली कांग्रेसका नेता मोहनबहादुर बस्नेतले आत्मदाहबाट मृत्यु भएका गणेश नेपालीको परिवारलाई आर्थिक सहयोग गरेका छन् ।
आज स्वर्गीय गणेशकी आमालाई भेटेर पूर्वमन्त्री समेत रहेका नेता बस्नेतले एक लाख नगद उपलब्ध गराएका हुन् ।
बस्नेतले गणेशकी छोरीलाई स्नातकसम्म पढाउने जिम्मा समेत लिएका छन् । साथै परिवारका सदस्यहरुलाई आर्थिकदेखि अन्य सहयोग गर्ने समेत प्रतिबद्धता जनाएका छन् ।
मुगुका गणेश काठमाडौंमा श्रीमती र छोरीसँगै बस्दै आएका थिए । पठाओ चलाउने गणेशको मोटरसाइकलमा काठमाडौं महानगर प्रहरीले ह्वील लक गरेर जरिवाना कारबाही गरेपछि उनले बिहीबार आत्मदाह गरेका थिए । उनको शुक्रबार उपचारका क्रममा मृत्यु भएको थियो ।
