२८ जेठ, काठमाडौं। नेपाली काँग्रेसका केन्द्रीय सदस्य गगन कुमार थापाले देशको सचेत नागरिक सडकमा आउनुको विकल्प हुँदैन भनेका छन् । उनले निषेधाज्ञा उल्लङ्घन गरेर सडकमा आउनु गलत भएपनि सरकारका कारण सडकमा आउनुको विकल्प नभएको बताएका छन् ।
नेता थापाले जब सरकारले नै आफ्नो क्षुद्र स्वार्थको लागि, जनस्वास्थ्यमा पर्ने दीर्घकालीन असरलाई पूर्ण वेवास्ता गर्दै, कोरोनाले निम्त्याएको परिस्थिति र निषेधाज्ञाबाट फाइदा उठाउने प्रपन्च गर्छ त्यसपछिमात्र जनताले बिकल्प रोज्ने बताएका छन् ।
नेता थापाको ट्वीटः निषेधाज्ञा उल्लङ्घन गरेर सडकमा आउनु गलत हो। तर जब सरकारले नै आफ्नो क्षुद्र स्वार्थको लागि, जनस्वास्थ्यमा पर्ने दीर्घकालीन असरलाई पूर्ण वेवास्ता गर्दै, कोरोनाले निम्त्याएको परिस्थिति र निषेधाज्ञाबाट फाइदा उठाउने प्रपन्च गर्छ, देशको सचेत नागरिक सडकमा आउनुको विकल्प हुँदैन।