१५ चैत, काठमाडौँ। काठमाडौँको पाँच स्थानमा कर्फ्यु लगाएसँगै नेपाली सेनाको टोली सडकमा निस्किएको छ ।
राजावादीहरूको आन्दोलनले उग्र रूप लिएपछि जिल्ला प्रशासन कार्यालयले कर्फ्यु लगाएको थियो। कर्फ्यु लागेको केही समयमै सेनाको टोली सडकमा निस्किएको हो ।
राजावादी समूहले गरेको उग्र प्रदर्शनका कारण प्रशासनले कर्फ्यु लगाएको छ ।
तीनकुनेमा भेला भएका राजावादीहरूले शुक्रवार दिउँसोबाट उग्र प्रदर्शन गरेपछि अवस्था तनावग्रस्त बनेको थियो । आन्दोलनकारीहरूले आगजनी र लुटपाटका घटना घटाइरहेको बेला सेना मैदानमा देखिएको हो।
