‘अनुपस्थित’ भन्दै हटाइएका सांसदले मागे एक वर्षको हाजिरी कागजात

२८ कात्तिक, जनकपुरधाम । सभामुख रामचन्द्र मण्डलले ‘लगातार १० बैठक अनुपस्थित’ भन्दै पाँच सांसदलाई पदमुक्त गरेपछि मधेश प्रदेशमा विवाद गहिरिएको छ।

पदमुक्त सांसद सञ्जयकुमार यादव र उर्मिलादेवी सिंहले एक वर्षदेखिको प्रदेशसभा उपस्थितिको प्रमाणित हाजिरी नक्कल उपलब्ध गराउन शुक्रबार सचिवालयमा निवेदन दिएका छन्।

कारबाहीमा नागरिक उन्मुक्ति र जसपाका सांसदहरू परे पनि, उपसभामुख बबिताकुमारी राउत ईशरले सभामुखको कारबाही बदर भएको सूचना सार्वजनिक गरेपछि प्रदेशसभामा दोहोरो निर्णयको विवाद बढेको छ।