२४ मंसिर, काठमाडौँ ।आगामी फागुन २२ गते हुने प्रतिनिधिसभा उपनिर्वाचनका लागि नेपाली कांग्रेसका महामन्त्री गगन थापा काठमाडौँ–४ बाट सर्वसम्मत रूपमा सिफारिस भएका छन्। क्षेत्रीय समिति बैठकले थापा मात्र उपयुक्त उम्मेदवार ठहर गर्दै केन्द्रमा नाम पठाएको हो।
रोल्पा र धनकुटाबाट पनि थापाको नाम सिफारिस भएपनि काठमाडौँ–४ नै उनको स्थायी निर्वाचन क्षेत्रमा पर्ने भएकाले यही क्षेत्रबाट उम्मेदवारी दिने सम्भावना अत्यधिक रहेको कांग्रेस नेताहरूले बताएका छन्।
यसबाहेक, समानुपातिकतर्फका लागि राधा घले, नरदा पोखरेल र राजन विश्वकर्माको नाम पनि क्षेत्रीय समितिले सिफारिस गरेको छ।
तीन तहबाट प्राप्त सिफारिसपछि आगामी उपनिर्वाचनमा थापाको उम्मेदवारी लगभग निश्चित मानिएको छ।
