९ चैत, काठमाडौं । अमेरिकी राष्ट्रपति डोनाल्ड ट्रम्प ले इरानसँग भइरहेको वार्ता सकारात्मक रहेको र पाँच दिनका लागि कुनै सैन्य आक्रमण नगर्न निर्देशन दिएको घोषणा गरेपछि विश्व बजारमा कच्चा तेलको मूल्यमा ठूलो गिरावट आएको छ।
ट्रम्पले ‘ट्रुथसोसल’मा आफ्ना पोस्टमार्फत भनिएका अनुसार, “संयुक्त राज्य अमेरिका र इरानबीच विगत दुई दिनमा मध्यपूर्वमा शत्रुताहरूको पूर्ण समाधानका लागि फलदायी वार्ता भएको छ। यसका आधारमा मैले युद्ध विभागलाई इरानी ऊर्जा केन्द्र र पूर्वाधारमा हुने कुनै पनि आक्रमण पाँच दिनका लागि स्थगित गर्न निर्देशन दिएको छु।”
उनको यस बयानपछि ब्रेन्ट क्रूड तेलको मूल्य करिब १३ प्रतिशतले घटेर ९६ डलर प्रति ब्यारेलमा झरेको छ। यस्तै ग्यासको मूल्य पनि १५९ पेन्स प्रतिथर्मबाट १३९ पेन्समा ओरालो लागेको बीबीसीले जनाएको छ।
विशेषज्ञहरूले ट्रम्पको वार्ता र पाँच दिनको आक्रमण स्थगन घोषणा अन्तर्राष्ट्रिय ऊर्जा बजारमा शान्ति र स्थायित्वको संकेत भएको भन्दै मूल्यमा यस्तो ठूलो गिरावट आएको विश्लेषण गरेका छन्।
