१३ चैत, काठमाडौं । रसुवाको लाङटाङ क्षेत्रमा उडानमा रहेको मुस्ताङ एयरको एक हेलिकप्टर सम्पर्कविहीन भएको छ।
नेपाल नागरिक उड्डयन प्राधिकरण स्रोतका अनुसार उक्त हेलिकप्टर दिउँसो करिब साढे १ बजेदेखि सम्पर्कविहीन भएको हो। हेलिकप्टरसँग सम्पर्क टुटेपछि सम्बन्धित निकायहरू सतर्क बनेका छन् भने खोजी तथा उद्धार कार्य तीव्र पारिएको जनाइएको छ।
हेलिकप्टरमा सवार यात्रु तथा चालकदलको अवस्थाबारे हालसम्म विस्तृत विवरण प्राप्त भइसकेको छैन। प्रतिकूल मौसम वा प्राविधिक कारण हुन सक्ने प्रारम्भिक आशंका गरिएको छ।
अधिकारीहरूले घटनाबारे थप जानकारी संकलन भइरहेको बताएका छन् भने खोजी अभियान जारी रहेको छ।
