१३ चैत, काठमाडौं। नयाँ बनेको सरकारको पहिलो मन्त्रिपरिषद् बैठकले चारवटा महत्वपूर्ण निर्णयहरू सार्वजनिक गरेको छ। सरकारका प्रवक्ता सस्मित पोखरेल ले जानकारी दिएअनुसार, बैठकले विशेषगरी जेनजी आन्दोलनको दमबारे जाँचबुझ आयोग, अर्थात् कार्की आयोगको प्रतिवेदन कार्यान्वयन गर्ने निर्णय गरेको छ।
आजै प्रधानमन्त्री नियुक्त भएका बालेन शाह ले पहिलो मन्त्रिपरिषद् बैठक सञ्चालन गरेका थिए। बैठकमा मन्त्रिपरिषद् सदस्यहरूले प्रतिवेदन कार्यान्वयनका प्रक्रिया, समयसीमा र जिम्मेवार निकाय निर्धारणसमेत गरे।
सस्मित पोखरेलले बताएअनुसार, बैठकले अन्य तीनवटा निर्णयहरू पनि गरेको छ। यद्यपि ती निर्णयको विस्तृत विवरण अझै सार्वजनिक गरिएको छैन। नयाँ सरकारका अधिकारीहरूले भने, आगामी दिनमा यी निर्णयहरू कार्यान्वयनमा लगाइने र प्रशासनिक तहसम्म प्रभावकारी रूपमा पुर्याइनेछ।
प्रधानमन्त्री बालेनको पहिलो मन्त्रिपरिषद् बैठकले सरकारको कार्यशैलीमा पारदर्शिता र जवाफदेहिताको संकेत दिएको विश्लेषकहरूले टिप्पणी गरेका छन्।
यस्ता छन् बैठकका निर्णय :
–भदौ २३ र २४ मा भएको जेनजी आन्दोलन तथा यसअघि भएका विभिन्न आन्दोलनका सम्पूर्ण ज्ञात अज्ञात शहीदहरूप्रति सम्मान एवं श्रद्धाञ्जली व्यक्त गर्ने ।
–नेपाल सरकारको प्रवक्तामा माननीय शिक्षा, विज्ञान तथा प्रविधिमन्त्रीलाई तोक्ने ।
–सरकारको शासकीय सुधारका सय कार्यसूची स्वीकृत गर्ने । (भोलिसम्म प्रकाशित गर्ने)
–भदौ २३ र २४ गतेको प्रदर्शनका क्रममा भएका घटनाको जाँचबुझ गर्न गौरीबहादुर कार्कीको अध्यक्षतामा गठित आयोगले नेपाल सरकारसमक्ष पेश गरेको प्रतिवेदन कार्यान्वयन गर्न देहाय बमोजिम गर्ने ।
- पहिलो, उल्लेखित आयोगले सिफारिस गरेको व्यक्ति र निकायमध्ये सुरक्षा संयन्त्रको हकमा अध्ययन समिति गठन गरी सो समितिले पेश गरेको सिफारिस बमोजिम गर्ने ।
- दोस्रो, अन्यको हकमा सो आयोगले गरेको सिफारिस तत्काल कार्यान्वयन गर्ने ।
