१५ चैत, काठमाडौं । जिल्ला अदालत काठमाडौंले पूर्वप्रधानमन्त्री केपी शर्मा ओली र तत्कालीन गृहमन्त्री रमेश लेखकलाई हिरासतमा राख्ने प्रहरीले माग गरेको अनुमति ‘मनासिव’ ठानेको छ र पाँच दिन म्याद थप गरेको छ।
जिल्ला अदालतका न्यायाधीश आनन्दकुमार श्रेष्ठको इजलासले आवश्यक अनुसन्धानका लागि हिरासतमा राख्न माग गरिएको व्यहोरा स्वाभाविक रहेको भन्दै म्याद थपको आदेश दिएको हो। आदेशअनुसार हिरासतको म्याद शनिबार बिहानदेखि सुरु हुनेछ र पाँच दिनपछि प्रहरीले दुबैलाई पुनः अदालतमा पेश गर्नुपर्नेछ।
भदौ २३ मा भएको प्रदर्शनमा आपराधिक हेलचेक्राँइ गरेको आरोपमा प्रहरीले ओली र लेखकलाई पक्राउ गरी अदालतमा बुझाएको थियो। सो घटनामा १९ जनाको ज्यान गएको थियो भने व्यापक धनजनको क्षति भएको थियो।
जाँचबुझ आयोगले उक्त आन्दोलनमा दमनको बेवास्ता गरेको र जनधन नोक्सानमा तत्कालीन प्रधानमन्त्री, गृहमन्त्री तथा उच्च प्रशासनिक अधिकारीहरूको सहभागिता रहेको उल्लेख गर्दै कारबाही सिफारिस गरेको थियो।
पक्राउ पुर्जी अनुसार अदालतले हिरासतमा राख्ने अनुमति दिने निर्णयले अनुसन्धानका लागि बयान संकलन, घटना विवरण बुझ्न र आयोगको प्रतिवेदन अध्ययन गर्न आवश्यक समय सुनिश्चित गरेको छ।
