१६ चैत, काठमाडौं । सोमबार बसेको मन्त्रिपरिषद् बैठकमा सहकारी पीडितहरूको रकम फिर्ता गर्ने विषयमा छलफल भएको छ। तर बैठकमा कुनै निर्णय तत्कालै नभएको शिक्षा, विज्ञान तथा प्रविधिमन्त्री तथा सरकारका प्रवक्ता सस्मित पोखरेल ले जानकारी दिए ।
छलफलमा १ लाख रुपैयाँभन्दा कम बचत भएका साना बचतकर्तालाई प्राथमिकतामा राखेर रकम फिर्ता गर्ने प्रक्रिया कसरी अघि बढाउने भन्ने विषयमा ध्यान केन्द्रित गरिएको थियो। मन्त्री पोखरेलले भने, “यो विषय वाचापत्रमा पनि छ र संवेदनशील छ।”
सरकारले साना तथा लघु उत्तमीका सहकारीमा फसेको रकम फिर्ता गर्ने कार्य १०० दिनभित्रै सुरु गर्ने योजना कार्यसूचीमा समावेश गरेको छ। यस विषयमा समयमै कार्यान्वयन गर्दा बचतकर्ताहरूको विश्वास कायम राख्ने र अर्थतन्त्रको चक्रमा परेको असर कम गर्ने अपेक्षा गरिएको छ।
