७ जेठ, काठमाडौं । सरकारले समस्याग्रस्त सहकारीका थप ३०४ जना साना वचतकर्ताको रकम फिर्ता गरेको छ।
समस्याग्रस्त सहकारी व्यवस्थापन समितिले बुधवार कृषि सहकारी तथा शिव शिखर बहुउद्देश्यीय सहकारीका साना वचतकर्ताको वचत रकम फिर्ता गरेको हो ।
समितिका अनुसार बुधवार कृषि सहकारीका ८८ जना तथा शिव शिखर बहुउद्देश्यीय सहकारीका थप २१६ जना बचतकर्ताले वचत फिर्ता पाएका हुन् ।
यसअघि समितिले कान्तिपुर सहकारीका २१५, शिव शिखर बहुउद्देश्यीय सहकारीका १५६ जना तथा पशुपति सहकारी ७ जना गरी ३७८ जना साना वचतकर्ताको रकम फिर्ता गरेको थियो ।
समितिका अनुसार पहिलो चरणमा थोरै वचत रकम भएका वचतकर्ताहरूलाई रकम फिर्ता गरिएको हो । यसरी नै क्रमशः वचतकर्ताको रकमका आधारमा वर्गीकरण गरेर रकम फिर्ता गरिने छ।
समितिका अनुसार समस्याग्रस्त सहकारीका करिव ७६ हजार वचतकर्ताहरूको करिव ४६ अर्ब रुपैयाँ वचत फिर्ता गर्नु पर्नेछ । तीमध्ये अधिकांश साना वचतकर्ता रहेका छन् ।
पाँच लाखभन्दा कम रकम वचतकर्तालाई साना वचतकर्ता र पाँच लाखभन्दा बढी रकम वचतकर्तालाई ठूला वचतकर्ताका रूपमा वर्गीकरण गरिएको छ ।
कूल ७६ हजारमध्ये पाँच लाखभन्दा बढी बचत गर्ने जम्मा १८ हजार रहेको समितिले जनाएको छ ।
