७ चैत्र, काठमाडौं । नेकपा एमाले संसदीय दलको बैठक सुरु भएको छ । प्रधानमन्त्री केपी शर्मा ओली निवास वालुवाटारमा बैठक सुरु भएको हो ।
बैठकमा वामदेव गौतम पनि सहभागी भएका छन् । एमाले अध्यक्ष केपी शर्मा ओलीले बोलाएको संसदीय दलको बैठकमा गौतम सहभागी भएका हुन् ।
गौतम संसदीय दलको बैठकमा सहभागी भएको ओली निकट एमाले सांसद विशाल भट्टराईले जानकारी दिएका छन् ।
गौतम यसअघि ओली तथा नेपाल-खनालका कुनै पनि बैठक तथा भेलामा सहभागी भएका थिएनन् । ओलीले बोलाएको संसदीय दलको बैठकमा नेपाल-खनाल पक्ष सभागी नहुने यसअघि नै निर्णय गरिसकेको छ ।
