२४ कात्तिक, काठमाडौं । मधेश प्रदेशमा मुख्यमन्त्री नियुक्ति विवादले नयाँ रूप लिएको छ। प्रदेश प्रमुख सुमित्रा सुवेदी भण्डारीको कार्यकक्षमा प्रदर्शनकारीहरूले तोडफोड गरेका छन्।
नेपाली कांग्रेस, जनता समाजवादी र लोकतान्त्रिक समाजवादी पार्टीका प्रदेश सांसद र कार्यकर्ताहरूले कार्यालयको बोर्ड र गमला समेत तोडेका छन्। प्रदर्शनकारीहरू अहिले पनि प्रदेश प्रमुख कार्यालय बाहिर नाराबाजी गर्दै छन्।
प्रदेश प्रमुख भण्डारी केही समयअघि अस्वस्थ भएर उपचारका लागि काठमाडौं गएकी थिइन्। उनले एमालेका सरोजकुमार यादवलाई ठूलो दलको हैसियतमा मुख्यमन्त्री नियुक्त गरी बर्दिबासको एक होटेलमा शपथ गराएकी थिइन्।
यसअघि पनि मधेश प्रदेशको मुख्यमन्त्री तथा मन्त्रिपरिषद् कार्यालयमा तोडफोड भएको थियो, जसले सरकार गठनलाई लिएर असन्तुष्टि दर्शाउँछ।
