२२ जेठ, काठमाण्डौँ । व्यङ्ग्यात्मक अनलाइन ‘कक्रोच पिपल्स पार्टी’ का संस्थापक अभिजीत डिप्के शुक्रबार अमेरिकाबाट भारत फर्कने क्रममा नयाँदिल्ली प्रस्थान गरेका छन्। उनले शनिबार शिक्षामन्त्रीविरुद्ध शान्तिपूर्ण विरोध प्रदर्शनका लागि प्रहरी अनुमति लिन तयार रहेको बताउका छन् ।
बोस्टन विश्वविद्यालयका ३० वर्षीय स्नातक डिप्केले अनलाइन आन्दोलनलाई समर्थन गर्दै आएका छन् । उनी पूर्वमा राजनीतिक सञ्चार रणनीतिकारका रूपमा आम आदमी पार्टीसँग पनि जोडिएका थिए। उनले १६ मे मा व्यङ्ग्यात्मक रूपमा “कक्रोच जनता पार्टी” (सिजेपी) स्थापना गरेका थिए । सिजेपीले भारतीय जनता पार्टी (भाजपा) को शैलीमा अनलाइन गतिविधि विस्तार गरेको हो ।
यो अभियान सर्वोच्च अदालतका मुख्य न्यायाधीश सूर्य कान्तले आलोचनात्मक युवाहरूलाई ‘कक्रोच’ र ‘परजीवी’ भनेको टिप्पणीपछि सुरु भएको बताइएको छ । पछि ती टिप्पणी सन्दर्भबाट बाहिर लगिएको भनिएको थियो ।
सिजेपीले छोटो समयमै सामाजिक सञ्जालमा ठूलो लोकप्रियता पाएको छ । भारतमा यसको इन्स्टाग्राम खातामा दुई करोड २० लाखभन्दा बढी फलोअर्स छन् । यो सङ्ख्या भाजपाको ९० लाख र कांग्रेसको एक करोड ३० लाखभन्दा धेरै हो ।
डिप्केले शिक्षामन्त्री धर्मेन्द्र प्रधानको परीक्षा अनियमितता आरोपका कारण राजीनामा माग गर्दै आएका छन् । उनले एक्समा लेख्दै आफ्नो कानूनी प्रक्रियामा विश्वास व्यक्त गरेका छन् र दिल्लीमा भीड नगर्न समर्थकलाई आग्रह गरेका छन्।
लद्दाखका कार्यकर्ता सोनम वाङचुकले पनि शनिबारको प्रदर्शनमा सहभागी हुने बताएका छन्।
भारतमा सामाजिक सञ्जालमा कडा निगरानीबीच सिजेपीका केही ह्यान्डल अवरुद्ध गरिए पनि यसको लोकप्रियता निरन्तर बढिरहेको छ ।
