१९ बैसाख, काठमाडौं। नेपाली काँग्रेसकी केन्द्रीय सदस्य एवं पूर्ब उपप्रधानमन्त्री सुजाता कोईरालाले १३१ औंं अन्तर्राष्ट्रिय मजदुर दिवशमा सम्पूर्ण मजदुरहरुमा शुभकामना दिएकी छन् ।
उनले बि सं २००३ सालमा बिराटनगरको जुटमिलबाट गीरीजा वावुले सुरु गर्नु भएको इतिहासीक मजदूर आन्दोलनको नेपाली प्रजातान्त्रिक आन्दोलनमा आफ्नै ठुलो महत्व र पहिचान भएको स्मरण गर्दै स्वदेश तथा विदेशमा रहनुभएका सम्पूर्ण श्रमिक-मजदूरहरुलाई शुभकामना ब्यक्त गरेकी छन् ।
नेतृ कोईरालाले कोभिड–१९ को महामारी मा सम्पूर्ण श्रमिक–मजदूरहरु र सबैजना सुरक्षित एवं स्वस्थ रहन समेत शुभेच्छा प्रकट गरेकी छन् । २००३ सालमा बिराटनगर जुटमिलमा भएको मजदुर आन्दोलनको नेतृत्व नेपाली काँग्रेसका पूर्ब सभापति तथा उनका बुवा गिरिजा प्रसाद कोईरालाले गरेका थिए । नेतृ कोईरालाले पूर्ब कार्यबाहक राष्ट्रप्रमुख समेत भईसकेका गिरिजा प्रसाद कोईरालालाई समेत सम्झेकी छन् । मजदुर दिबशका दिन गिरिजा प्रसादलाई सूजातालेमात्र नभएर काँग्रेस र सिंगो राष्ट्रलेसम्झनुपर्ने मजदुर नेताहरुको भनाई छ।
नेतृ कोईरालाको आफ्नै शब्दमाः बि सं २००३ सालमा बिराटनगरको जुटमिलबाट गीरीजा वावुले सुरु गर्नु भएको ऐतिहासीक मजदूर आन्दोलनको नेपाली प्रजातान्त्रिक आन्दोलनमा आफ्नै ठुलो महत्व र पहिचान छ।
१३१औं अन्तर्राष्टिय विश्व श्रमिक दिवसको अवसरमा स्वदेश तथा विदेशमा रहनुभएका सम्पूर्ण श्रमिक–मजदूरहरुलाई शुभकामना ब्यक्त गर्दछु। कोभिड–१९ को महामारी मा सम्पूर्ण श्रमिक–मजदूरहरु र सबैजना सुरक्षित एवं स्वस्थ रहनु होला।
जय नेपाल।
मा. सुजता कोइराला
