पर्यटन मन्त्री सुदन किराँतीलाई पितृ शोक

६ भदौ, काठमाडौँ । संस्कृति पर्यटन तथा नागरिक उड्डयन मन्त्री सुदन किराँतीका बुबाको  निधन भएको छ  ।

पर्यटन मन्त्रीका बुवा हर्कबहादुर राईको आज बिहान काठमाडौँको वीर अस्पतालमा निधन भएको  निजी सचिव डाक्टर डिजन भट्टराईले जानकारी दिए ।

मन्त्री किरातीका बुवा लामो समयदेखि अस्वस्थ भइ उपचाररत रहेका थिए । मन्त्री किरातीले आफ्ना पिताप्रति सामाजिक सञ्जालमार्फत श्रद्धाञ्जली व्यक्त गरेका छन् ।

मन्त्री किरातीका बुवाको पार्थिव शरीर आजै पुख्र्यौली घर भोजपुरको ओख्रे गाउँ लैजाने तयारी भइरहेको उनको निजी सचिवालयले जनाएको छ । उनकी आमाको यसअघि नै निधन भइसकेको थियो ।