३० माघ, काठमाडौँ । काठमाडौँको बबरमहलमा मेलम्ची खानेपानीको मुख्य पाइप फुटेर वरपर रहेका सरकारी कार्यालय डुबानमा परेका छन् । काठमाडौँ महानगर प्रहरीका अनुसार काठमाडौँ जिल्ला अदालत अगाडि पाइप फुटेको हो ।
बबरमहल वरपर रहेका सरकारी कार्यालयहरू विशेष अदालत, जिल्ला अदालतमा बाढी पसेको छ । यो पाइप फुटेपछि काठमाडौँको खानेपानी नेटवर्क अवरुद्ध हुनेछ । के कारणले पाइप फुटेको भन्ने खुलाइएको छैन।
अहिले बबरमहलमा नेपाल प्रहरी, काठमाडौँ महानगर प्रहरीको टोली खटिएको छ ।
