२४ चैत, काठमाडौं । अमेरिकाका राष्ट्रपति डोनाल्ड ट्रम्पले इरानलाई लक्षित गर्दै अत्यन्तै कडा र विवादास्पद चेतावनी दिएका छन्। उनले अमेरिका सँग सम्झौता नगरे “पूरै सभ्यता आजै राति नष्ट हुन सक्छ” भन्ने अभिव्यक्ति दिएका छन्।
उनले सामाजिक सञ्जालमार्फत लेख्दै भने, “पूरै सभ्यता आज राति नष्ट हुनेछ, जुन फेरि कहिल्यै फर्किने छैन। म यस्तो होस् भन्ने चाहन्न, तर सम्भवतः त्यस्तै हुनेछ।”
उनले इरानमा सम्भावित शासन परिवर्तनको संकेत गर्दै वर्तमान शासनको कडा आलोचना गरेका छन्। उनका अनुसार, यदि शासन परिवर्तन भयो भने “बुद्धिमान र कम उग्र विचार भएका मानिसहरू” सत्तामा आउने सम्भावना छ, जसले देशलाई नयाँ दिशातर्फ लैजान सक्छ।
उनले थपे, “४७ वर्षको जबर्जस्ती, भ्रष्टाचार र मृत्यु अन्ततः समाप्त हुनेछ। यो विश्वको लामो र जटिल इतिहासको सबैभन्दा महत्वपूर्ण क्षणमध्ये एक हुन सक्छ।”
उनको यो अभिव्यक्तिले अन्तर्राष्ट्रिय राजनीति तरंगित बनाएको छ। विशेषगरी अमेरिका–इरान सम्बन्ध पहिलेदेखि नै तनावपूर्ण रहँदै आएको अवस्थामा यस्तो चेतावनीले विश्वव्यापी चिन्ता थप बढाएको छ।
अन्त्यमा उनले इरानका जनतालाई सम्बोधन गर्दै लेखेका छन्, “भगवान् इरानका महान जनतालाई आशीर्वाद दिनुहोस्।”
यो अभिव्यक्तिले कूटनीतिक वृत्तमा बहस सुरु गराएको छ—के यो केवल राजनीतिक दबाब हो वा कुनै ठूलो कदमको संकेत? विश्वले अब यस घटनाक्रमलाई चासोका साथ हेरिरहेको छ।
