२१ जेठ, काठमाडौं । नेपाली क्रिकेट टोलीका ओपनिङ ब्याटर कुशल भुर्तेल ले टी–२० अन्तर्राष्ट्रिय (टी–२०आई) क्रिकेटमा लगातार दोस्रो शतक प्रहार गर्दै नयाँ इतिहास रचेका छन्।
एसियन गेम्स छनोटअन्तर्गत मलेसियाविरुद्धको खेलमा भुर्तेलले मात्र ४४ बलमा शतक पूरा गरेका थिए। यो उनको करियरको तेस्रो टी–२०आई शतक हो।
यसअघि चीनविरुद्धको खेलमा उनले ३५ बलमा शतक बनाउँदै १२९ रनको विस्फोटक इनिङ खेलेका थिए। लगातार दुई टी–२०आई शतक बनाउने उनी पहिलो नेपाली खेलाडी बनेका छन्।
विश्व क्रिकेटको इतिहासमा पनि उनी यो उपलब्धि हासिल गर्ने १०औं खेलाडीको सूचीमा परेका छन्। भुर्तेलको यो प्रदर्शनले नेपाली क्रिकेटमा ठूलो उपलब्धि थपेको छ।
