२६ असार, काठमाडौं। राष्ट्रिय समाचार समिति (रासस) ले आर्थिक वर्ष २०८३र०८४ का लागि देशभरका ७७ जिल्लामा स्थानीय समाचारदाता नियुक्त गर्न आवेदन आह्वान गरेको छ।
सूचनाअनुसार इच्छुक नेपाली नागरिकले सूचना प्रकाशित भएको मितिले ७ दिनभित्र आवेदन दिनुपर्नेछ।
काठमाडौं उपत्यकाबाहेक ७४ जिल्लामा प्रत्येक जिल्लाबाट १र१ जना समाचारदाता नियुक्त गरिनेछ।
काठमाडौंमा ६ जना, ललितपुरमा २ जना र भक्तपुरमा १ जना स्थानीय समाचारदातासहित विभिन्न स्थानका लागि फोटोपत्रकार पनि माग गरिएको छ।
साथै विराटनगर, जनकपुर, हेटौंडा, पोखरा, देउखुरी, वीरेन्द्रनगर र धनगढी प्रदेश राजधानीमा पनि स्थानीय समाचारदाता तथा फोटोपत्रकार नियुक्त गरिने राससले जनाएको छ।
आवेदकले तोकिएको शैक्षिक योग्यता, पत्रकारिता अनुभव तथा आवश्यक कागजातसहित आवेदन पेश गर्नुपर्नेछ।
नियुक्ति सम्बन्धी विस्तृत योग्यता, सेवा–सुविधा र अन्य विवरण राससले प्रकाशित गरेको सूचनामा उल्लेख गरिएको छ।
