१९ चैत, रुकुमपश्चिम । नेकपा (एमाले) रुकुम पश्चिमको अध्यक्ष पदमा पुनः नन्दराम देवकोटा निर्वाचित भएका छन् । जिल्ला पार्टी कार्यालयमा चार दिनसम्म चलेको नवौँ जिल्ला अधिवेशनबाट देवकोटा सर्वसम्मत अध्यक्षमा चयन भइका हुन् ।
उनको अध्यक्षतामा आठ जनापछि थप्ने गरी ६९ सदस्यीय जिल्ला समिति सर्वसम्मत निर्वाचित भएको निर्वाचन अधिकृत गणेश हमालले जानकारी दिए ।
उपाध्यक्षमा पुनः मनवीर घर्ती र सचिवमा पनि पुनः शशिराम नेपाली निर्वाचित भएका छन् । निर्वाचन अधिकृत हमालका अनुसार सहसचिवमा ब्युझ्ना पुनः देवकोटा र तिलक बस्नेत सर्वसम्मत निर्वाचित भएको छन् । पलबहादुर खड्काको संयोजकत्वमा लेखा समिति पनि निर्विरोध चयन भएको छ । सो समितिको सचिवमा कृष्णभक्त ओली रहनुभएको छ । आज नवनिर्वाचित जिल्ला समितिको नेतृत्व घोषणाका साथै शपथ ग्रहण र प्रमाणपत्र वितरण गरिएको छ ।
नवनिर्वाचित जिल्ला अध्यक्ष देवकोटाले सर्वसम्मत नेतृत्व चयन हुनु एमाले रुकुम पश्चिममा एक ढिक्का रहेको सन्देश गएको बताए । यसले पार्टीलाई थप सशक्त बन्न सहयोग पुग्ने उनको भनाइ छ ।
