७ फागुन, काठमाडौं । राष्ट्रिय स्वतन्त्र पार्टी (रास्वपा)ले फागुन २१ मा हुने प्रतिनिधिसभा सदस्य निर्वाचनका लागि आफ्नो चुनावी वाचापत्र सार्वजनिक गरेको छ।
बिहीबार कर्णाली प्रदेशको राजधानी सुर्खेतमा आयोजित चुनावी सभामा रास्वपाले आफ्नो वाचापत्र सबलीकृत रूपमा प्रस्तुत गर्यो। सभामा रास्वपाका अध्यक्ष रवि लामिछाने, वरिष्ठ नेता बालेन्द्र शाह (बालेन), उपाध्यक्ष डोलप्रसाद अर्याल र डा. स्वर्णिम वाग्ले लगायतका नेताहरू उपस्थित थिए।
रास्वपाले आफ्नो वाचापत्रमा मध्यम वर्गको विकास, सामाजिक न्याय र समान अवसरलाई प्राथमिकता दिएको दाबी गरेको छ। पार्टीले आगामी निर्वाचनमा जनताको आवाजलाई केन्द्रमा राखेर नीति निर्माण गर्ने आफ्नो प्रतिबद्धता पनि व्यक्त गरेको छ।
