१३ चैत, काठमाडौं । नवनिर्वाचित सरकारको पहिलो मन्त्रिपरिषद् बैठक आज काठमाडौंस्थित प्रधानमन्त्री तथा मन्त्रिपरिषद् कार्यालयमा सुरु भएको छ। प्रधानमन्त्री बालेन शाहको नेतृत्वमा गठन भएको नयाँ सरकारको यो पहिलो औपचारिक बैठक हो।
राष्ट्रपति रामचन्द्र पौडेलले आजै बालेन शाहलाई प्रधानमन्त्रीमा नियुक्त गरेका थिए। त्यसलगत्तै मन्त्रीहरूले पनि शपथ ग्रहण गरी आफ्नो-आफ्नो मन्त्रालयको पदभार सम्हालेका छन्। पदभार ग्रहणपछि मन्त्रीहरू क्रमशः सिंहदरबारस्थित कार्यालयमा उपस्थित भएर मन्त्रिपरिषद् बैठकमा सहभागी भइरहेका छन्।
सरकारले प्रारम्भिक चरणमै केही महत्वपूर्ण नीतिगत निर्णय गर्ने तयारी गरेको बताइएको छ। यद्यपि, अधिकांश मन्त्रीहरूले पदभार ग्रहणको क्रममा तत्काल कुनै ठूला निर्णय भने सार्वजनिक गरेका छैनन्।
नयाँ सरकारको प्राथमिकता, कार्यदिशा र आगामी योजनाबारे स्पष्ट संकेत दिने अपेक्षा गरिएको यस बैठकलाई अर्थपूर्ण रूपमा हेरिएको छ।
