७ असार, काठमाडौं । फिफा विश्वकप २०२६ अन्तर्गत साउदी अरेबियाविरुद्ध जारी खेलको पहिलो हाफमा स्पेनले प्रभावशाली प्रदर्शन गर्दै ३–० को अग्रता बनाएको छ।
एटलान्टा स्टेडियममा भइरहेको खेलमा स्पेनले सुरुदेखि नै आक्रामक खेल प्रस्तुत गरेको थियो। खेलको १०औँ मिनेटमा मिकेल ओयार्जाबलको उत्कृष्ट पासलाई सदुपयोग गर्दै लामिन यामालले गोल गरेपछि स्पेनले अग्रता लिएको थियो।
त्यसपछि मिकेल ओयार्जाबल आफैँले लगातार दुई गोल गर्दै टोलीको अग्रता फराकिलो बनाए। उनले २१औँ र २४औँ मिनेटमा गोल गर्दै पहिलो हाफ सकिँदासम्म स्पेनलाई ३–० को सहज अवस्थामा पुर्याए।
पहिलो हाफभर साउदी अरेबिया स्पेनको आक्रामक खेललाई रोक्न संघर्षरत देखियो भने स्पेनले बल नियन्त्रण र अवसर सिर्जनामा स्पष्ट दबदबा कायम राख्यो। दोस्रो हाफमा पनि यही लय कायम राख्ने लक्ष्यसहित स्पेन मैदानमा उत्रनेछ।
